Efra svæðið nær frá fossinum Nefja og niður að Trippavaði. Í dag þarf ekki að fara Trippavað þar sem ný brú er komin neðar á Tungnaá. Á efra svæðinu er hægt að aka á 4x4 bifreiðum nær alveg upp að fossinum Nefja. Bestu veiðistaðirnir eru við fossinn og eins um 300 m fyrir neðan foss en þar í gilinu er djúpur og langur hylur. Eins eru góðir staðir neðar í ánni þar sem tilvalið er að veiða.

Einnig eru góðir hyljir ofar í ánni.
Neðra svæði er frá Trippavaði og niður að skilum. Bestu veiðistaðirnir eru við klettana þar sem slóðin endar (hægra megin) eða niður við skilin þar sem árnar liggja saman.
Kaldakvísl og Tungnaá eru þekktar fyrir væna urriða og bleikjur. Þessi svæði eru miklar náttúruperlur og eru veiðimenn sérstaklega hvattir til að ganga vel um umhverfið, aka ekki utan slóða og skilja ekki sorp eftir sig. Veiðimenn eru hvattir til að skila veiðiskýrslum og færa afla í veiðibók. Veiðiþjófnaður verður í öllum tilfellum kærður til lögreglu og hefur veiðieftirlit verið hert til mikilla muna.

Verðskrá
Verð á stöng pr. Dag 10,000,- kr. árið 2010
Veiðileyfi gilda frá kl. 7.00 til 23.00.

ATH. Eingöngu er hægt að kaupa veiðileyfi í síma 897-5976.

Panta þarf leyfi með góðum fyrirvara þar sem mikið er selt fyrirfram.

Gistingu er hægt að kaupa í Hrauneyjum.
Ath. Lágmark 4 stangir seldar í einu, þ.e.a.s allt svæðið er leigt út í heilann dag í senn. Ekki eru seldar stakar stangir.
Eitt leyfi þarf fyrir hverja stöng og eingöngu er leyfð fluguveiði.
Ekki er hægt að kaupa leyfi í skemmri tíma en einn dag.

Veiða – sleppa fyrirkomulag er í ánum sem stendur og skal öllum fiski sleppt.

 

Við óskum ykkur ánægjulegrar stundar í kyrrð og friðsæld öræfanna.
Leigutakar og veiðieftirlitsmenn.